Milano, 21 Prill NOA - Një ndeshje me të vërtetë fantastike ishte ajo që zhvilloi ditën e djeshme ekipi i zikaltërve të Interit në sfidën që kishin me Barcelonën, e vlefshme për Ligën e Kampionëve.
Djemtë e Murinjos arritën të mundnin kampionët e Evropës me rezultatin e thellë 3 me 1.
Inter mundi të kthente rezultatin pasi të parët që kaluan në avantazh ishin spanjollët të cilët në minutën e 19 të pjesës së parë shënuan me anë të Pedros.
Më pas zikaltërit u përgjigjën menjëherë ku vetëm pas dhjetë minutash ata barazuan shifrat me Sneijder dhe më pas në fundin e pjesës së parë kaluan në avantazh falë golit të Maicon.
Pjesa e dytë do të sillte dhe një gol tjetër për Interin, ku në minutën e 61 të garës Milito i çoi në tre shifrat e golave të shënuar nga ekipi i tij, ku lojtari në fjalë ishte dhe autori i dy pasave të cilat çuan në shënimin e dy golave të parë.
Për Barçën, presioni që ushtroi në fundin e ndeshjes, nuk pati vlera pasi spanjollët nuk arritën dot të ndryshonin këtë rezultat.
Tashmë të gjithë janë në pritje të ndeshjes së kthimit ku Inter është disi më i favorizuar për të qenë ekipi i parë finalist.
r.b/NOA
