Tiranë, 30 prill, NOA Update - “Jemi për t’i thënë ndal këtij modeli bolshevik që nuk e meriton NATO-n dhe që po na zë frymën”.
Kështu është shprehur në fjalën e tij gjatë protestës së opozitës, aleati demokristian, Nard Ndoka, sipas të cilit, “shteti qe del dhe feston në 1 maj, nuk është shteti që meritojnë shqiptarët”.
“Ne duam ta shpëtojmë nga një grusht njerëzish që na morën gjithçka. Ata nuk e meritojnë votën tonë”, ka thënë ai më pas, duke përmendur atë që e ka quajtur vjedhje të votave dhe manipulim të zgjedhjeve të 28 qershorit.
“Ne kemi vendosur të jemi në anën e popullit, ata të pushtetit. Ne në anën e drejtësisë, ata në anën e padrejtësisë”, tha më pas Ndoka.
Duke e mbyllur, ai tha se opozita do të vazhdojë të rrijë në shesh, deri sa kjo qeveri e papërligjur nga votat e qytetarëve, të largohet. (vijon) ...
n.e/NOA
