Pogradec: Përfundon Ndërtimi I Shkollës Në Komunën E Udunishtit
POGRADEC, 8 maj /ATSH-Behar Fejzulla/ - Me fondin prej 25 milionë lekë, në komunën e Udunishtit u rikontruktua shkolla, e cila do të mundësojë zhvillimin normal të mësimit.
Sipas drejtorit të saj, Neshat Hoxha, godina e re dykatëshe ka klasa dhe kabinete që plotësojnë kushte bashkëkohore të mësimdhënies për 600 nxënësit. Ndërtimi i saj mundëson zhvillimin e mësimit vetëm paradite pasi në godinën e vjetër mësimi është zhvilluar me dy turne.
Tashmë shkolla ka një kabinet informatike, ku nxënësit marrin njohuri të plota për lëndën e informatikës si dhe lidhjen me internet, laboratorë fizike, kimie dhe biologjie me të gjitha mjetet e domosdoshme për demonstrimin praktik të orës së mësimit, tha Hoxha.
Faza e dytë e këtij projekti, të financuar nga qeveria, që do të përfundojë brenda muajit maj, parashikon ndërtimin e palestrës, një fushe minifutbolli dhe rrethimin e shkollës./ch//n.m/
