Fishë Teknike - Tragjeditë Ajrore Më Të Rënda Të Viteve Të Fundit
ROMË, 12 maj /ATSH-ANSA/ - Rrëzimi i një avioni me 104 persona në bord në aeroportin e Tripolit është i fundit nga një seri aksidentesh ajrore që vitet e fundit kanë shkaktuar mijëra të vdekur.
Më poshtë vijojnë tragjeditë më të rënda:
10 prill 2010 - Tupolevi presidencial 154 që transportonte presidentin polak Lech Kaczynski rrëzohet para uljes në aeroportin e Smolenskut, në Rusinë perëndimore. Askush nga 96 pasagjerët e avionit nuk arriti të shpëtonte. Së bashku me Kaczynskin humbën jetën bashkëshortja e tij Maria, dhe krerët më të lartë të shtetit polak.
20 gusht 2008 - Një avion model Md-82 i kompanisë "Spanair" rrëzohet gjatë ngritjes për fluturim në aeroportin barajas të Madridit. 154 persona humbin jetën.
17 korrik 2007 - Në Congonhas të Brazilit, një avion del nga pista gjatë uljes dhe përplaset me një hangar, 170 viktima.
9 korrik 2006 - Një avion pasagjerësh rrëzohet në aeroportin e Irkutsk në Siberi, duke shkaktuar vdekjen e 157 personave.
8 maj 2003 - Të paktën 200 persona humbin jetën pas rrëzimit të një avioni Ilyushin-76 në Republikën Demokratike të Kongos.
19 shkurt 2003 - Në Iran, një avion Ilyushin i Pasdaranëve rrëzohet ndërmjet Zahedanit dhe Kermanit. Në incident humbin jetën 276 persona.
12 nëntor 2001 - Një Airbus A-300 i kompanisë American Airlines, që po fluturonte drejt Republikës Dominikane, rrëzohet pas ngritjes në fluturim nga Nju Jorku në një zonë banimi në lagjen e Queens. Humbin jetën 265 persona.
8 tetor 2001 - Në aeroportin Linate të Milanos, Itali, dy avionë përplasen gjatë ngritjes në fluturim duke shkaktuar vdekjen e 118 personave.
/e.v/
