Korçë, 15 maj, NOA – Policia e Korçës ka arrestuar dje katër persona për veprën penale të falsifikimit të dokumenteve të identifikimit dhe të vizave.
Të arrestuarit janë; Fiqiri Gjura, 49 vjeç, lindur e banues në fshatin Ushtelencë të Dibrës si dhe e afërmja e tij 51 vjeçarja S.Gjura. Po ashtu policia a arrestuar dhe Hamza Gjurën, 38 vjeç dhe Dritan Sinën 32 vjeç, të dy lindur dhe banues në Hodoshisht të Dibrës.
Sipas policisë arrestimi i tyre u bë pasi më datën “14.05.2010 në P.K.K. Tushemisht gjatë kontrollit të dokumenteve të shtetasve në dalje nga Republika e Shqipërisë në pasaportat e tyre u gjetën viza pune greke të cilat dyshohen se janë të falsifikuara”, thuhet në njoftimin e policisë.
Ndërkohë që policia sqaron se po vijon hetimet për këtë ngjarje dhe çështja i ka kaluar prokurorisë së Rrethit Gjyqësor Pogradec.
m.xh/NOA
