Everest, 22 Maj, NOA - Xhordan Romero, është emri i ri i cili ka mundur të prekë majën më të lartë të botës, Everestin, duke shënuar kështu një rekord të ri.
Ai është një 13-vjeçar amerikan, njeriu më i ri në moshë që ka prekur majën më të lartë, duke parakaluar kështu edhe 16-vjeçarin nepalez, Temba Tsheri, i cili e mbante këtë rekord deri më tani.
“Endrrat e mia më në fund u kthyen në realitet”, mësohet të ketë shkruar ai në faqen e tij të internetit.
Ekipi i Romeros e nisi ngjitjen nga pjesa kineze e Everestit në 13 maj të vitit të kaluar, dhe duket se u favorizua nga kushtet e mira klimaterike.
Ndërkaq, suksesi i tij i parë është shënuar në malin e Kilimanxharos, në Tanzani, duke kapur një lartësi prej 5.800 metrash, kur ishte vetëm 10 vjeç.
n.e/NOA
