Vlorë: Rritet Zbulueshmëria E Krimeve, Pakësohet Numri I Vjedhjeve
VLORË, 27 maj /ATSH-H.Koçi/ - Numri i vjedhjeve në qytetin e Vlorës ka shënuar një rënie të ndjeshme, ndërsa është rritur deri në 80 për qind koeficienti i zbulueshmërisë së ngjarjeve të kësaj natyre. Krahasuar me një vit më parë, për periudhën janar-maj, numri i vjedhjeve është 2 herë më i vogël sipas statistikave të policisë lokale.
Burime të Drejtorisë së Policisë së Qarkut të Vlorës, bënë të ditur për ATSH-në se, strukturat e specializuara të Seksionit të Krimeve ndaj Pronës, e kanë rritur efektivitetin e punës parandaluese dhe njëkohësisht zbuluese për vjedhjet e regjistruara në banesa apo lokale të ndryshme shërbimi.
Rritja e bashkëpunimit me Prokurorinë dhe njëkohësisht me komunitetin e qytetarëve, të cilët tashmë nuk qëndrojnë më indiferentë ndaj ngjarjeve të tilla, ka bërë që plani i masave i hartuar nga Drejtoria e Policisë në bashkëpunim me Seksionin e Krimeve ndaj Pronës të jetë efektiv./ch/
