Spanjë, 28 Maj NOA - Me sa duket tekniku portugez Hose Murinjo po pret me padurim fillimin e detyrës së tij të re, në drejtim të Realit të Madridit.
Ai kërkon të jetë i pranishëm në të gjithë projektin e ri që ka kjo skuadër dhe mbi të gjitha në blerjen e lojtarëve që pritet të realizojë. Me sa është bërë e ditur ekipi, i cili sezonin e ardhshëm do të drejtohet pikërisht nga portugezi, do të pësojë ndryshimet e para në repartin e mbrojtjes. Vetë Murinjo ka pohuar se kërkon tre lojtarë të rinj në këtë repart ku emri më i përfolur është ai i Maicon. Mbrojtësi i krahut i ekipit zikaltër të Interit, pëlqehet shumë si nga tekniku ashtu dhe nga vetë skuadra e Realit dhe në lidhje me këtë fakt duhet thënë se Perez do të bëjë të pamundurën për ta sjellë atë në Madrid.
Emrat e tjerë të cilët qarkullojnë në ambientet e klubit spanjoll janë dhe ato të Kolarov të Lazios dhe mbrojtësit të Çeslit, Ashley Cole.
r.b/NOA
