Afganistan - Nis Punimet Asambleja E Paqes, Ndërsa Disa Raketa Tronditin Qytetin
KABUL, 2 qershor /ATSH-ANSA/ - Nisën sot punimet e "Jirga"-s, Asambleja këshillimore e paqes në Kabul me praninë e 1600 delegatëve afganë dhe të dërguarve specialë.
Asambleja, sipas programit, do të zgjasë tre ditë, gjatë të cilave do të diskutohen mundësitë e krijimit të një strategjie për t'ia këshilluar qeverisë së presidentit Hamid Karzai për t'i dhënë fund konfliktit të armatosur që tashmë ka hyrë në vitin e nëntë.
Gjatë fjalës së presidentit Karzai disa raketa u lëshuan në Kabul. Sipas informacioneve paraprake, raketat shpërthyen pranë "Intercontinental Hotel", ku ndodhen gazetarët që ndjekin Asamblenë.
Ndërsa i drejtohej delegatëve, Karzai i dëgjoi shpërthimet qartësisht. E ndërpreu fjalimin e tij dhe u shpreh: "Këto duhet të jenë raketa". "Mos u shqetësoni, qëndroni ulur sepse ky është normaliteti i Afganistanit të sotëm".
/e.v/
