Gaza - Një Foshnjeje Palestineze I Vendoset Emri Erdogan Në Nder Të Kryeministrit Turk
GAZA, 6 qershor /ATSH-AFP/ - Një çift nga Rripi i Gazës, fëmija i të cilëve lindi dje e kanë quajtur atë Rajab Erdogan, në nder të kryeministrit të Turqisë, Recep Tayyip Erdogan, njoftoi sot Ministria e Brendshme e Hamasit, që aktualisht kontrollon territorin.
Foshnja, i lindur në Khan Younès, jugu i Gazës, nga Dalia Moufid Mohammad Abou Chamala dhe Saleh Saïd Awad Abou Chamala, "u regjistrua me emrin Rajab Erdogan", njoftoi ministria përmes një njoftimi për mediat, ku shtonte se ishte rasti i parë.
Qëndrimi shumë i vendosur i Turqisë kundrejt Izraelit pas sulmit të komandove izraelite kundër një flotiljeje nisur me ndihma humanitare drejt Gazës më 31 maj, që u kushtoi jetën të paktën nëntë prej aktivistëve në borin e anijeve, vlerësohet në përmasa jashtëzakonisht të mëdha në territoret palestineze, siç e vërteton edhe popullariteti i flamurit turk i vendosur nëpër vende publike më masë të gjerë.
Shtypi lokal njoftoi të enjten se pronari i një kafeneje në Khan Younès, i cili e kishte shndërruar kafenenë e tij në vajtore zie, u kishte vënë djemve të tij dhe nipit Rajab, emrat Tayib dhe Erdogan./
/i.p/
