Francë, 8 Qershor NOA - Zbulim i tmerrshëm në një apartament, në Metz, në Francën verilindore. Trupi i një foshnje është gjetur i mbështjellë në një qese plastike, në brendësi të një frigoriferi nga mikja e qiramarrësve të banesës.
Gruaja u shtrua menjëherë në spital pasi pësoi një shok nga pamja që mori. Tashmë po pritet të bëhet autopsia e fëmijës dhe do të zbulohet në qoftë se ai ka lindur i gjallë ose jo. Prokurori i Metz, deri tani ka refuzuar të komentojë mbi këtë incident.
Gruaja që bëri zbulimin e tmerrshëm tregoi se kishte hapur frigoriferin për ta pastruar pasi kjo gjë i ishte kërkuar nga ana e qiramarrësit të banesës.
Trupi i vogël i foshnjës ishte mbështjellë me kujdes në një qese plastike. Sipas mjekut ligjor, thuhet se për lindjen e fëmijës duhet të kthehemi në dy javët e para të muajit maj. Për këtë arsye mbetet për t’u konfirmuar nëse ajo është vrasje apo një aksident tragjik që janë përpjekur për të mbajtur fshehurazi.
r.b/NOA
