Gjenevë, 8 qershor, NOA - Agjencia për refugjatë e Kombeve të Bashkuara njoftoi sot se po dëbohet nga Libia. Zëdhënësja e Komisariatit të Lartë për refugjatë të OKB-së, Melisha Fleming, tha se agjencia e ka marrë një notë nga autoritetet e Libisë, javën e kaluar, me urdhër për ndaljen e punës dhe largimin nga ky vend.
Melisha Fleming tha se nuk është dhënë asnjë arsye për këtë vendim të qeverisë së Libisë.
Misioni i Libisë në Kombet e Bashkuara në Gjenevë ka refuzuar ta komentoj këtë vendim.
Agjencia është e rëndësishme për njerëzit që arrijnë në Libi, pasi ky vend nuk ka procedurë për regjistrimin e azilkërkuesve dhe refugjatëve.
Zëdhënësja Fleming tha se deri tash, agjencia ka regjistruar afro 9 mijë refugjatë nga territoret palestineze, Iraku, Sudani, Somalia dhe nga vendet e tjera afrikane.
NOA
