Deputetët Boshnjakë Të Parët Në Evropë Për Nivelin E Pagave Në Raport Me Të Ardhurat E Qytetarëve
- Në vendet fqinje me Bosnjen raporti maksimal i pagave të deputetëve është tre me një -
SARAJEVË, 22 qershor /ATSH-MIA/ - Deputetët boshnjakë mbajnë rekordin evropian për nivelin e pagave, krahasuar me përfitimin mesatar dhe pensionet e qytetarëve, tregojnë rezultatet nga hulumtimi i agjencisë "GEA".
Rroga mesatare e një deputeti në parlamentin e Bosnjes për vitin 2010 është 2 500 euro, e barabartë kjo me 6,6 herë më shumë se të ardhurat mesatare ose 15,4 pensione mesatare në Bosnje.
Edhe paga e një deputeti në parlamentin e entitetit myslimano-kroat është 1 600 euro ose sa 4,1 rroga mesatare dhe 9,4 pensione.
Gjendja është pak më e mirë në parlamentin e Republikës Serbe, ku rroga e deputetit prej
1 300 euro krahasohet me 3,7 të ardhura mesatare ose 8,4 pensione.
Ndërkohë, në vendet fqinje me Bosnjen raporti maksimal i pagave të deputetëve me të ardhurat mesatare është tre me një./
a.jor.
