Vlorë, 22 Qershor, NOA - Policia e Vlorës ka identifikuar dhe pritet që ta arrestojë shumë shpejt autorin e vrasjes së një 48-vjeçari, i cili u mësua se u qëllua me armë për vdekje gjatë natës në Radhimë.
Lajmi konfirmohet për agjencinë e Lajmeve NOA nga burimet policore të Vlorës, sipas të cilave, dyshohet se vrasja ka ndodhur për hakmarrje, ndërsa ende nuk bëhen të ditura gjeneralitetet e autorit të ngjarjes, për arsye hetimi dhe konkludimi të aksionit mbi kapjen e tij.
Ndërkaq, bëhet me dijeni se viktima është deklaruar që quhet Hasko Sina dhe është 48-vjeç.
Ai nuk ka mundur të ngrihet dot më nga vendi i ngjarjes pas goditjeve me armë që ka pësuar nga autori i ngjarjes, ndërsa mësohet se aty ai ka gjetur edhe vdekjen.
Policia ka nisur hetimet nga ana e saj, dhe paraprakisht dyshon se vdekja e 48-vjeçarit
ka lidhje me një vrasje në vitin 1997... (vijon).
n.e/NOA
