Korçë, 25 Qershor, NOA – Forcat e policisë së Korçës kanë bërë të mundur arrestimin në flagrancë të 19-vjeçarit Bernard Qelemeni, banues në këtë qytet, pasi gjatë kontrollit të ushtruar në banesën e tij iu gjet dhe iu bllokua në cilësinë e provës materiale një sasi pluhuri me ngjyrë bezhë e ngjashme me atë të lëndës narkotike heroinë me peshë 2.6 gramë.
Konfirmuar për agjencinë e Lajmeve NOA nga burimet policore të Korçës, thuhet se ajo ishte e vendosur në një paketë Filip Morris dhe një sasi materiali bimore me ngjyrë jeshile e ngjashme me atë të lëndës narkotike marjuanë, me peshë 2.4 gr e vendosur në një mbajtëse telefonash.
U kryen veprimet proceduriale për veprën penale “Prodhim dhe shitje e lëndëve narkotike”, parashikuar nga neni 283/2 i Kodit Penal.
Materialet i kaluan prokurorisë së Korçës për hetime të mëtejshme.
n.e/NOA
