Afrikë e Jugut, 29 Qershor NOA - Është tepër i zhgënjyer Javier Aguirre, tekniku i përfaqësueses së Meksikës dhe kjo pas përfundimit të sfidës me Argjentinën, ku ekipi i tij u eliminua.
“Kishim forcën e duhur për të zhvilluar një ndeshje më të mirë. Është tepër e qartë se ishin dy gabime të arbitrit, të cilat ndikuan në këtë humbje. Mund të bëhen analiza, formacione, ndryshime, por me dy gabime është tepër e vështirë të fitosh”, - këto ishin fjalët e teknikut të Meksikës Aquirre.
Mund të themi se është vetëm një zhgënjim i madh për Javier Aguirre në përfundim të sfidës me Argjentinën, në të cilën ai priste diçka më shumë dhe sipas tij ishin gabimet e Rosettit dhe Ayroldit, të cilat ndikuan në dhënien e golit të Tevez i cili ishte padyshim në pozicion të parregullt dhe atij të Higuain.
r.b/NOA
