Berlin, 30 Qershor, NOA – Gjermania nuk ka mundur të zgjedhë dot as në raundin e dytë presidentin e saj të ri, pasi kandidati i maxhorancës, Christian Vulff, nuk arriti ta fitonte shumicën e votave të Asamblesë Federale.
Siç bëri të ditur kryetari i Bundestagut, Norbert Lammert, “1239 veta votuan pro, 1 ishte e pavlefshme, 7 abstenime, 490 për Joachim Gauck (SPD/Të Gjelbrit), 123 për Lukretia Jochimsen (E Majta), 615 për Christian Vulff (CDU/CSU/FDP) dhe 3 për Frank Rennecken (NPD)” .
Në këtë mënyrë, kandidati i mazhorancës fitoi 15 vota më shumë se në raundin e parë, por gjithsesi, ato nuk mjaftojnë për të krijuar shumicën.
Në këtë mënyrë, mbetet që zgjedhjet për presidentin e ri gjerman të kalojnë në raundin e tretë dhe të fundit, prej të cilave del fitues ai që ka shumicën relative të votave.
Analistët e interpretuan rezultatin menjëherë si një shenjë pakënaqësie ndaj politikës së kancelares Angela Merkel.
n.e/NOA
