Inspektimi Financiar/ Ps:P/Ligji Cënon Pavarësinë E Institucioneve
TIRANË, 30 Qershor/ATSH/.- Partia Socialiste paralajmëroi sot votën kundër projektligjit të qeverisë "Për inspektimin financiar", duke e konsideruar draftin "antikushtetues dhe në cënim të pavarësisë së institucioneve kushtetuese".
Në një deklaratë për shtyp, nënkryetarja e komisionit të Ekonomisë, Mimi Kodheli tha se arsyet e mësipërme e shtynë opozitën që të kërkojë opinionin e komisionit të Ligjeve, lidhur me kushtetuetshmërinë e këtij p/ligji, gjë që sipas saj, nuk u bë në mënyrë të qëllimshme.
"Ne konsiderojmë se anti-kushtetuetshmëria e këtij ligji është një element i mjaftueshëm për të votuar kundër tij, në mbrojtje të pavarësisë së pushtetit gjyqësor, pushtetit vendor dhe institucioneve të rëndësishme kushtetuese si Kontrolli i Lartë i Shtetit, Shërbimi Informativ i Shtetit apo shoqërisë civile", tha Kodheli.
/a.s//n.m/
