Shba - Obama Njofton Kandidatin Për Ambasador Në Republikën E Shqipërisë
UASHINGTON, 2 korrik /ATSH/ - Presidenti amerikan, Barack Obama njoftoi dje kandidatin për ambasadorin e ri të Shteteve të Bashkuara të Amerikës në Republikën e Shqipërisë, Alexandre A. Arvizu, thuhet në faqen zyrtare të internetit të Shtëpisë së Bardhë http://www.whitehouse.gov.
Alexandre A. Arvizu është diplomat karriere i Shërbimit të Jashtëm, në rangun e këshilltarit ministror.
Aktualisht, Arvizu është drejtor i Zyrës së Zhvillimit të Karrierës dhe Pozitave në Departamentin amerikan të Shtetit.
Ai ka shërbyer si zëvendësshef i Misionit amerikan në Bangkok dhe në Pnom Pen.
Arvizu ka shërbyer edhe në Korenë e Jugut dhe Japoni.
Në SHBA ai ka shërbyer në Këshillin e Sigurisë Kombëtare.
Alexandre A. Arvizu u lind në një bazë ushtarake amerikane në Japoni dhe u rrit në Kolorado.
Arvizu ka përfunduar studimet pasuniversitare në Universitetin Georgetown dhe njeh disa gjuhë të huaja, kryesisht ato aziatike./
a.jor.
