Nju Jork, 11 Korrik NOA/Rid Bulku - Të ndalohet tymosja e cigareve në plazhe si në Cony Island ose në Central Park. Ky është qëllimi i fushatës së iniciuar nga kryetari i bashkisë në Nju Jorkut, Michael Blumberg.
“Jemi në bisedime për ndalimin e duhanit në plazh dhe parqe. Njerëzit e duan këtë gjë. Në qoftë se unë do të shkoj të pyes, do të më thonë se nuk dëshirojnë praninë e duhanpirësve rreth tyre”, - tha Bloomberg, para se të marrë një vendim përfundimtar.
Në brigjet e Cony Island ose në Central Park, së shpejti nuk do të mundësohet ndezja e një cigareje.
Që prej zgjedhjes së tij, Bloomberg, ish-duhanpirës, ka nisur një kryqëzatë të ashpër kundër pirjes së duhanit. Për të marrë një vendim përfundimtar në lidhje me këtë fakt, kryetari i bashkisë është në pritje të raportit përfundimtar të këshilltarit të shëndetit, Thomas Farley, i cili ka deklaruar se personalisht do të jetë në favor.
Bloomberg ka theksuar se një vendim i tillë krahas anës shëndetësore, është duke u realizuar edhe për estetikë, pasi bishtat e cigareve të hedhura në tokë dëmtojnë rëndë rrugët.
Kryebashkiaku i Nju Jorkut-ut në vitin 2003, arriti të miratonte ndalimin e pirjes së duhanit në bare dhe restorante të qytetit.
Ai gjithashtu ka rritur me taksa mjaft të rënda dhe ata persona të cilët blejnë një paketë cigaresh ku në kohët e fundit një paketë mund të kapë dhe vlerën e 10 dollarëve.
Në shtetin e Nju Jorkut, pirja e duhanit është e ndaluar në 10 qarqe, ndërsa në 34 të tjerë ndalimi i duhanit zbatohet rregullisht në parqe.
r.b/NOA
