Egjipt - Shtatë Viktima Nga Shembja E Një Ndërtese Në Kryeqytet
KAJRO, 14 korrik /ATSH-AFP/ - Shtatë persona kanë humbur jetën, në orët e para të mëngjesit të sotëm, nga rrëzimi i një ndërtese që ndodhej në një lagje të njohur të pjesës së vjetër të Kajros, njoftoi agjencia egjiptiane e lajmeve Mena.
"Shtatë persona mbetën të vdekur dhe një i tetë është plagosur rendë nga rrëzimi i një ndërtese banimi në lagjen Darb el-Ahmar, në qendër të Kajros", sipas agjencisë Mena.
Trupat e shtatë viktimave janë nxjerrë nga rrënojat e ndërtesës së rrëzuar, ndërkohë që i mbijetuari ka pësuar fraktura të rënda dhe të shumëfishta në trup.
Shkaqet e rrëzimit të ndërtesës mbeten ende të panjohura.
Në prill të vitit 2009, tre anëtarë të një familjeje mbetën të vdekur nga shembja e banesës së tyre dykatëshe në jug të vendit.
Ndërkohë që në fund të vitit 2007, 35 persona mbetën të vdekur nga shembja e një ndërtese banimi 12 katëshe në Aleksandri, qytet i njohur në veri të Egjiptit./
/i.p/
