Kirgistani Formon Qeverinë E Re
BISHKEK, 14 korrik /ATSH-MIA/ - Presidentja e Kirgistanit, Roza Otunbajeva formoi sot qeverinë e re teknike që do të udhëheqë vendin deri në zgjedhjet parlamentare.
Krijimi i kabinetit të ri vjen pas dorëheqjes së ministrave të qeverisë së përkohshme, që drejtoi vendin që nga përmbysja e dhunshme e presidentit Kurmanbek Bakiev, në muajin prill.
Zgjedhjet parlamentare janë planifikuar të mbahen në tetor.
Autoritetet kirgize dhe ato ndërkombëtare kanë bërë thirrje për një proces të drejtë zgjedhor.
Në muajin qershor, Kirgistani u përfshi nga dhuna mes kirgizëve etnikë dhe grupeve uzbeke, që shkaktoi qindra të vdekur./
a.jor.
