Kosove - Thaci Javen E Ardhshme Ne Shba, Takon Zv/Presidentin Joseph Biden
PRISHTINË, 15 Korrik /ATSH-B.Jashari/.- Kryeministri i Republikës së Kosovës, Hashim Thaçi, javën e ardhshme nis një vizitë zyrtare në Shtetet e Bashkuara të Amerikës, ku në Shtëpinë e Bardhë do të zhvillojë një takim me zëvendëspresidentin e Shteteve të Bashkuara të Amerikës, Joseph Biden.
Zyra e shtypit e Qeverisë kosovare, bën të ditur se në kuadër të vizitës zyrtare në SHBA, kryeministri Thaçi do të ketë takime në Departamentin e Shtetit dhe në Kongres, ndërsa do të pritet në takime dhe nga udhëheqësit e Bankës Botërore dhe Fondit Monetar Ndërkombëtar.
Po ashtu, kryeministri Thaçi në Institutin e Paqes të Shteteve të Bashkuara të Amerikës do të mbajë ligjëratë me temën "Ndërtimi i së Ardhmes Euro-Atlantike të Kosovës: Sfidat dhe Mundësitë Para Nesh". /a.ke/
