Ekon - Irani Nënshkruan Kontratë Me Një Shoqëri Turke Për Ndërtimin E Një Gazsjellësi
TEHERAN, 24 korrik /ATSH-AFP/ - Irani nënshkroi një kontratë prej një miliard eurosh me një kompani turke për ndërtimin e një gazsjellësi që do të eksportojë çdo ditë 60 milionë metra kub gaz në tre vjet në drejtim të Evropës, njoftoi sot shtypi lokal.
"Kontrata për ndërtimin e një gazsjellësi prej 660 kilometrash arrin në një miliard euro dhe u nënshkruan në prani të ministrave iranian dhe turk të Naftës dhe Energjisë", njoftoi gazeta ''Arman'' duke cituar një komunikatë të Ministrisë iraniane të Naftës.
Zëvendësministri iranian i Naftës, Javad Ouji si dhe drejtor i ndërmarrjes publike kombëtare iraniane ''Gas Company'' nënshkroi marrëveshjen me grupin privat turk ASB, sipas të njëjtit burim.
"Me ndërtimin e një gazjellësi të ri, vendi ynë do të jetë i aftë të eksportojë 50-60 milionë metra kub gaz në ditë drejt Turqisë dhe Evropës në tre vjet'', konfirmoi Ouji, sipas të njëjtit burim./
/ec/ a.jor.
