Gjirokaster: Arrestohet 24 Vjeçari Per Trafikim Te Mjeteve Motorrike
GJIROKASTËR, 31 Korrik/ATSH-Telnis Skuqi/ - Një 24-vjeçar nga fshati Lazarat, disa km larg Gjirokastrës u ndalua nga policia lokale sot me akuzen për trafikim të mjeteve motorrike.
Drejtoria e Policisë së Qarkut të Gjirokastrës bëri të ditur për ATSH-në se, "Rezar Skënduli u ndaluan në Kordhocë, 3 km larg Gjirokastrës, pasi qarkullonte në rrugën kombëtare me automjetin tip "Audi A8", me targa CD 674 RJ, prodhim i vitit 2009 të vjedhur në Itali".
Të njëjtat burime thane se, 24 vjeçari kishte ndërhyrë në numrin e shasisë dhe kishte ndryshuar çertifikatën e automjetit për të shmangur taksat doganore.
Ky është rasti i dytë gjatë këtij viti që policia e Gjirokastrës ndalon shtetas me akuzën e trafikimit të mjeteve motorike. /a.ke/
