Pakistan, 23 gusht, NOA - Tre javë pas fillimit të katastrofës më të rëndë qysh prej dekadash Pakistani, sipas të dhënave, ka përfituar donacione dhe premtime për ndihma në nivelin e rreth 800 milionë eurove.
Solidariteti ndërkombëtar me vendin tonë ishte inkurajues, tha ministri i Jashtëm i Pakistanit Mehmud Qureshi në Islamabad.
Vetëm SHBA-ja ka premtuar 150 milionë dollarë. Gjermania ka ofruar 60 milionë euro për viktimat e përmbytjeve.
Fondi Monetar Ndërkombëtar njoftoi se këtë javë do të zhvillohen bisedime me qeverinë pakistaneze për ndihma financiare për rindërtimi e vendit pas katastrofës. Në jug të vendit ndërkohë 200.000 njerëz të tjerë u evakuuan.
Arsyeja ishte një rritje e shtratit të lumit Indus në provincën Sindh. Autoritete presin që niveli i ujit në gjithë vendin do të bie në ditët e ardhshme.
a.k/NOA/DV
