Berlin, 26 Gusht NOA - Kuriozitet dhe indinjatë në Berlin, ku më 8 shtator do të hapet një restorant brazilian, i cili si traditë shërben gatime me përbërje të mishit të njeriut.
Kritikët mbështesin faktin se diçka e tillë nuk është aspak e mirë dhe shpresojnë që të mos jetë e vërtetë, por në sitin e ueb-it të restorantit është paraqitur një modul, i cili fton të gjithë personat, që dëshirojnë të dhurojnë organet e tyre.
“Është shumë e pështirë”, - tha Michael Braun, numri dy i CDU-së në Berlin.
“Shpresoj të jetë vetëm një shaka”, - shtoi ai.
Megjithatë lajmi është duke qarkulluar në të gjithë botën dhe faktikisht “Filme”, i cili është dhe emri i restorantit, do të bëhej i dytë në botë në llojin e tij, me pronar Eduardo Amado, që zotëron një të tillë dhe në Brazil.
Mjaft kureshtje mbetet për menynë që do të ofrojë restoranti në drejtim të klientëve të tij.
r.b/NOA
