Lezhë, 11 tetor, NOA – Forcat e policisë së Lezhës kanë arrestuar në flagrancë 37-vjeçarin Augustin Bardhi, me banim në qytetin e Laçit, i dënuar më parë për veprën penale të “Mbajtjes pa leje të armëve luftarake dhe municionit”, parashikuar nga neni 278/2 i Kodit Penal.
Arrestimi i tij u bë pasi gjatë një kontrolli të ushtruar ndaj tij në mjediset e një lokali në afërsi të bashkisë Laç, këtij personi i është gjetur 1 armë zjarri pistolete me 2 (dy) krehra me nga 8 fishekë secili, të cilat i mbante pa leje.
Gjithashtu, gjatë kontrollit të ushtruar në banesën e këtij shtetasi u gjet dhe u sekuestrua 1 pushkë me 1 krehër me 20 fishekë.Nga ana e strukturave të policisë u kryen veprimet e duhura proceduriale dhe hetimore, ndërsa materialet do t’i kalojnë prokurorisë së Kurbinit për veprën penale të “Mbajtjes pa leje të armëve luftarake dhe municionit”, parashikuar nga neni 278/2 i Kodit Penal, në ngarkim të Agustin Bardhit.
n.e/NOA
