Serbi, 19 Tetor, NOA - Kjo është historia e pabesueshme e një fëmije serb të quajtur Dimitrije Mitrovic që një mëngjes, kur ishte vetëm tre vjeç u zgjua, e filloi të flasë anglisht, edhe pse ai kurrë nuk kishte studiuar, duke tronditur dhe habitur kështu mjekët dhe familjarët.
Dimitrije, i cili tani është 11 vjeç flet në mënyrë aq të përsosur anglisht saqë familja, miqtë, madje edhe mësuesit nuk mund ta kuptojnë atë. "Një ditë, kur ai ishte vetëm 3 vjeç, im bir shkoi në krevat dhe kur u zgjua, filloi të flasë vetëm në gjuhën angleze. Në fillim i fola me atë pak anglishte që dija, por shpejt u bë aq i përkryer saqë kam thirrur një përkthyes për të folur me të", - thotë nëna e tij Dragana. Në moshën 5 vjeç Dimitrije recitonte tërë romanin Harry Potter në anglisht dhe sot në moshën 11 vjeçare flet rrallë me nënën e tij në gjuhën serbe, vetëm nëse është i detyruar për ta bërë këtë. "Unë ëndërroj në anglisht, flas anglisht, betohem dhe shaj në anglisht",- thotë djaloshi serb.
Mjekët mendojnë se Dimitrije kanë fituar një lloj talenti autistik në anglisht. Profesoreshë Tatjana Paunoviç në Universitetin e Nishit shprehet: "Është një rast shumë interesant. Ne biseduam me të për një orë dhe ai e flet gjuhën më mirë se ne, si të ishte i lindur në Britani".
a.e./NOA
