Durrës, 25 tetor, NOA – Ndoshta me dëshirën për t’u vetëvrarë, një vajzë e re 19-vjeçare është hedhur nga mbikalimi i këmbësorëve në afërsi të Stacionit të Trenit në qytetin e Durrësit.
Ngjarja e pazakontë bëhet me dijeni për agjencinë e Lajmeve NOA nga burime të policisë së Durrësit, sipas të cilave, ajo ndodhi dje rreth orës 03.40 të ditës së sotme, në mbikalimin e qytetit bregdetar.
E dëmtuara është dërguar menjëherë në spitalin e Durrësit, ku dhe ndodhet jashtë rrezikut për jetën.
Në vendngjarje kanë mbërritur edhe uniformat blu, për të hetuar rrethanat e ngjarjes, që mund të shkaktonin edhe vetëvrasjen e 19-vjeçares.
Nga kryerja e veprimeve të para hetimore rezultoi se kemi të bëjmë me një tentativë vetëvrasje, ndërsa vazhdon puna për saktësimin e shkaqeve të ngjarjes.
Megjithatë në pritje të marrjes në pyetje të 19-vjeçares, e cila po mjekohet në spital, materialet për veprën penale të shkaktimit të vetëvrasjes së mbetur në tentativë iu kaluan Prokurorisë së Durrësit.
n.e/NOA
