Tiranë, 11 nëntor, NOA/ Milena Selimi - Mendohet të sjellë pak lëvizje Festivali i të Rinjve në Teatrin Kombëtar.
Projektet e diskutueshme, financuar nga MTKRS-ja nisin sot me prezantimin e parë në një javë që do të mbahet nga data 11-15 nëntor 2010.
Sot hap festivalin, konkurrentja e parë e Festivalit Teatror të të Rinjve, Klodiana Kadillari, me monodramën “Pikëllimi”.
Një tekst i shkruar prej saj, në një përpjekje për të sjellë në skenë edhe konceptin e regjisë dhe në interpretimin e aktores.
Një vepër e shkruar për jetën e nobelistes Nënë Tereza dhe misionin e saj bamirës nëpër botë. Vepra shfaqet në skenën e vogël të Teatrit Kombëtar sonte, ora 19.00.
Festivali mbahet nga data 11 nëntor deri më 15 dhjetor, ku prezantohen 7 shfaqje, nga 7 regjisore femra. Shfaqjet rikthehen edhe një herë brenda Javës Teatrore të të Rinjve, që mbahet nga 16-23 dhjetor.
Konkurrojnë: Alma Hoti, Luljeta Hoxha, Sonila Kapidani, Andia Xhunga, Rozina Kostani, Elma Dorezi dhe Klodiana Kadillari.
m.s/n.e/NOA
