Madrid, 2 janar 2011 NOA – Nga dita e sotme
në Spanjë ka hyrë në fuqi ligji i rreptë kundër pirjes së duhanit.
Kufizimet kërkojnë synon që baret, kafenetë dhe restorantet e tymosura, t'i
kthejnë në zona ku ndalohet pirja e duhanit.
Autoritetet pohojnë se në Spanjë vdesin çdo vit 53 mijë njerëz nga pasojat e konsumit të duhanit. Ndaj ata thonë se ligji i ri, do të vlejë për ndalim konsumi të duhanit jo vetëm në klube dhe restorante, por edhe në sheshet e lojërave, në vendet publike dhe në shkolla.
Duhanpirësit gjithashtu nuk do të munden ta ndezin cigare në transmetimet televizive, në afërsi të spitaleve apo në oborret e shkollave.
Deri tani në mbretërinë e Spanjës lejohej përdorimi i duhanit në lokale duke bërë një ndarje të tyre për konsumatorë dhe jokonsumatorë.
Në Greqi, ligji kundër duhanit është vënë në zbatim de jure për shtatë herë me radhë këto vitet e fundit por asnjëherë nuk ka funksionuar.
e njëjta gjë edhe në Shqipëri por me një përjashtim se ligji është hedhur për zbatim një herë dhe pak javë pasi hyri në fuqi, u shpërfill totalisht.
e.r/NOA
