Korçë, 18 janar, NOA Update – Ka arritur në 2 mëngjesin e ditës së sotme, numri i viktimave të shkaktuar nga ngjarja tragjike e Korçës, ku mbeti i vrarë një person dhe u plagosën 4 të tjerë.
Lajmi konfirmohet në mënyrë paraprake për agjencinë e Lajmeve NOA nga burimet policore të Korçës, sipas të cilave, është ndarë nga jeta i plagosuri Kastriot Hysi, i cili u transportua dje në orët e mbrëmjes së vonë në spital, në gjendje tejet të rënduar shëndetësore.
Së bashku me Denis Meminaj, Erjon Meminaj dhe Ermal Demolli, që të gjithë banues në qytetin e Korçës; ai mbeti i plagosur pas një sherri me disa të rinj në një lokal bastesh dhe lojërash të fatit, ndërsa i vrarë në vendngjarje ka mbetur Mikel Tepexhi, rreth 22 vjeç, banues në qytetin juglindor.
Ndërkaq, mësohet se forcat e policisë kanë arrestuar tashmë 33-vjeçarin Erjon Mukadezi, i cili dyshohet të jetë autor i kësaj ngjarje tragjike ... (vijon)
n.e/NOA
