E enjte, 20 janar 2011, NOA- Ditën e sotme është arrestuar një 39 vjeçar nga Fieri i dënuar për “Dhënies ndihmë për kalim të paligjshëm të kufirit”.
Si rezultat i bashkëpunimit të Interpol Tirana me Interpol Athinën, është bërë i mundur arrestimi, me qëllim ekstradimi drejt vendit tonë, i shtetasit Sokol Agur Kuka, lindur në Fier.
Gjykata e Rrethit Gjyqësor Fier, në vitin 2007, e ka dënuar shtetasin e mësipërm me 1 vit e 8 muaj burg dhe 2 milionë lekë gjobë, për kryerjen e veprës penale të “Dhënies ndihmë për kalim të paligjshëm të kufirit”.
Në maj të 2007-ës, Sokol Kuka, në bashkëpunim me persona të tjerë, kanë organizuar kalimin ilegal të disa shtetasve nga Fieri drejt Greqisë. Shuma që duhej paguar për kalimin e paligjshëm të kufirit drejt shtetit grek ishte 700 Euro për person.
a.y/NOA
