RAPORTIM MINUTE PAS MINUTE
Tiranë, 28 janar 2011, NOA/ Irma Toptani – Tashmë kortezhi i parë i homazheve për nder të viktimave i është afruar vendit ku u vranë tre demonstruesit, në sheshin mes Kryeministrisë, Kryesisë së Kuvendit dhe dy Kullave, nën ndjekjen hap pas hapi të kamerave dhe bliceve.
Marshi i kortezhit, ku marrin pjesë edhe familjarë të demonstruesve pranë lidershipit të opozitës, i cili mban tre karafila të kuq në dorë simbol i tre demonstruesve të vrarë, është ndalur pikërisht në vendin ku u vra një prej viktimave të demonstratës.
Kortezhi i drejtuar nga Edi Rama nën hidhërim po bën homazhe ndoshta pikërisht aty ku mbeti i vrarë Hekuran Deda, protestuesi nga Dibra.
Pas kësaj ndalese të shkurtër e tërësisht paqësore kortezhi i është afruar tashmë vendit ku do të zhvillohen homazhet, pikërisht aty ku ndodhen edhe posterat me fytyrat e tre demonstruesve të vrarë me armë zjarri, pranë kryeministrisë.
mit/NOA
[media id=45 width=620 height=440]
