Mbretëria e Omanit e ka njohur shtetin e Kosovës, nëpërmjet një letre zyrtare për vendosjen e marrëdhënieve diplomatike, të dërguar në ambasadën e Republikës së Kosovës në Londër.
Lajmin e ka konfirmuar zëvendësministrja e jashtme në largim, Vlora Çitaku.
“Omani është një shtet, përkatësisht Mbretëri, që nuk njeh shtete në formë eksplicite, por këtë e bën përmes komunikimit dhe vendosjes së marrëdhënieve diplomatike”, ka thënë zonja Çitaku, në një takim me gazetarët.
Omani gjendet në jugperëndim të Azisë, në kufi me Emiratet e Bashkuara Arabe, Arabinë Saudite dhe Jemenin.
Kjo është njohja e 75-të e shtetit të Kosovës. /rfe/
