Gjirokastër, 8 shkurt 2011, NOA- Si pasojë e një operacioni të Policisë së Gjirokastrës, është sekuestruar 1 ton marijuanë, e cila synonte kalimin e kufirit jugor.
Operacioni i koduar me emrin “Koordinata”, e bllokoi këtë sasi droge në aksin rrugor Gjirokastër-Jorgucat.
Burime zyrtare për agjencinë e lajmeve NOA, konfirmojnë se një person është arrestuar dhe tre të tjerë janë shpallur në kërkim.
Sipas po të njëjtit burim, mësohet se i ndaluari quhet Artan Bresha, 35 vjeç lindur dhe banues në Tepelenë.
Arrestimi i tij u bë pasi ky shtetas u kap në flagrancë duke transportuar në drejtim të Sarandës me automjetin e tij tip Furgon Tranzit me targa TP 07 65 B, rreth 820 kilogramë lëndë narkotike Mariuanë .
Gjithashtu bëhet e ditur se destinacioni i marijuanës ishte shteti fqinj, Greqia, ndërsa mjeti me të cilin po transportohej droga ishte një furgon, në pronësi të shtetasit Ardjan Halili, lindur dhe banues në Tepelenë.
Nga kqyrja e automjetit rezultoi se: Në brendësi të automjetit u gjetën dhe u sekuestruan në cilësinë e provës materiale një sasi rreth 180 kilogramë lëndë narkotike Mariuanë. Drejtuesi i automjetit është evidentuar dhe shpallur në kërkim .
Policia po vijon punën më tej, për të vënë në pranga tre personat e tjerë, të cilët dyshohet se janë pjesë e këtij trafiku.
a.y/NOA
