Mançester, 8 Shkurt, NOA-Një incident i turpshëm ka ndodhur me profesorët e Universitetit të Mançesterit ku në një provimi me shkrim u janë dhënë studentëve fleta me zgjidhje të shtypura në pjesën e prapme. Incidenti ndodhi gjatë provimit të Gjeologjisë dhe u vu re nga një prej 50 studentëve të cilët po u nënshtroheshin testit. Studenti që ka parë skenën ka kërkuar pezullimin e provimit.
Aktualisht është hapur një hetim për të kuptuar sesi ka ndodhur ky gabim kaq skandaloz. Ndërkaq sipas mediave vendase studentët e vitit të dytë kanë reaguar me zemërim dhe protestë.
Nga autoritet universitare është vendosur që provimi të ripërsëritet për të gjithë dhe fajtorët të shkojnë në gjykatë.
a.e./NOA
