Tiranë, 10 shkurt 2011, NOA – Uniformat blu të kryeqytetit kanë ndaluar dy adoleshentë, me akuzën se kishin vjedhur puntela metalike armature në një urë pranë ish-tunelit të Thesarit në Krrabë. Efektivët e policisë bëjnë me dije se kanë nisur procedimin penal në gjendje të lirë për dy adoleshentët për shkak të moshës së tyre tejet të re.
Dy adoleshentët 14-vjeçari A.M banues në Krrabë dhe 13 vjeçari E.S edhe ky banues në Krrabë u ndaluan pasi dyshohet se në 18.01.2011 kanë vjedhur një sasi të konsiderueshme puntelash metalike armature, mbajtëse e disa skela, në pronësi të një shtetasi, në një Urë, e cila ishte në ndërtim.
Ura ndodhej pranë Lumit Murdh në Zall Krrabë, pranë ish-tunelit të Thesarit.
mit/NOA
