Lezhë, 10 shkurt 2011, NOA- Një aksident rrugor ka ndodhur pak minuta më parë ku si pasojë kanë ngelur të plagosur dy persona.
Aksi rrugor Lezhë-Shkodër është vendi ku janë përplasur dy makina njëra me targa të Shkodrës dhe tjetra me targa të huaja.
Mësohet se të plagosurit e aksidentit janë dy drejtuesit e mjeteve, të cilët janë dërguar menjëherë në spital për të marrë ndihmën e parë.
Ngjarja e ndodhur në fshatin Gocaj dhe sipas të dhënave paraprake, mësohet se ka si shkak shpejtësinë e madhe të mjeteve dhe parakalimin e gabuar të njërës prej makinave.
a.y/NOA
