Prishtinë, 10 shkurt, NOA – Përfundojnë në prangat e policisë së Kosovës, 10 të dyshuar, përmes dy operacioneve të ndara kundër krimit të organizuar.
Lajmi konfirmohet prej saj për agjencinë e Lajmeve NOA, duke pohuar se përveç, 10 të arrestuarve, operacionet e quajtur “Fontana 2” dhe “Kendi” kanë arritur që të konfiskojnë dhe rreth 1 kg substancë narkotike, si dhe armë të ndryshme.
7 personat e parë mësohet se janë denoncuar nga një femër, viktimë e trafikut të qenieve njerëzore.
Ajo u ka treguar forcave të policisë sesi prej disa muajve ajo ishte mbajtur kundër dëshirës së saj dhe ishte trafikuar.
Policia dyshon se kjo viktimë është transferuar në zona të ndryshme në Kosovë dhe shfrytëzuar nga ana e të dyshuarve, elemente këto të veprës penale të trafikimit me njerëz.
n.e/NOA
