Tiranë, 12 shkurt 2011, NOA- Në 15 shkurt do të mbahet një protestë- marshim nga Muzeu Kombëtar drejt Ministrisë së Mjedisit, qytetarët së bashku me familjarët e viktimave të Gërdecit.
Mësohet se Shoqata e Gërdecit do të paraqes kërkesat në vijim:
1. Dorëheqja e Fatmir Mediut dhe ballafaqimi i tij me organet e drejtësisë
2. Kompensimi i prapambetur i rrogave të papaguara të punonjësve në fabrikën e çmontimit të armëve në Gërdec.
3. Përmbushja e premtimeve nga ana e Kryeministrit në lidhje me:
a. Një vit rrogë të plotë për të gjithë ish-punonjësit
b. Dy vjet asistencë
4. Dëmshpërblimi për të plagosurit nëpërmjet proceseve dhe vendimeve të drejtësisë .
5. Dëmshpërblimi për mjetet personale private të punës që përdornin ish-punonjësit (mjete motorike, etj.)
6. Pension për familjarët e viktimave
Në njoftimin e shpërndarë për mediat thuhet se, Ministrit Mediu dhe qeverisë do t’i jepet një javë kohë për të vepruar lidhur me kërkesat e lartpërmendura, ndryshe do të ndërmerren aksione më radikale.
a.y/NOA
