Prishtinë, 12 Shkurt 2011 NOA - Albin Kurti dhe Visar Ymeri nga Lëvizja VETËVENDOSJE! janë takuar mbrëmë me zyrtarin e lartë të Departmentit të Shtetit të ShBA-së Thomas Countryman, si dhe me Ambasadorin amerikan në Kosovë Christopher Dell.
Këtë e pohon Lëvizja Vetëvendosje përmes një komunikate zyrtare: “Në këtë takim u diskutua për zhvillimet politike në Kosovë, por edhe rreth Kosovës, me përqendrim të veçantë në negociatat e reja që po përgatiten të ndodhin mes Kosovës dhe Serbisë”.
Vetëvendosje tha se qëllimi i takimit ishte më shumë informues, ku secila palë i shfaqi pikëpamjet dhe bindjet e veta për problemet politike që i ka Kosova dhe zgjidhjet për to. Përfaqësuesit e Lëvizjes VETËVENDOSJE! u treguan zyrtarëve amerikanë për qëndrimet e programin e VETËVENDOSJE-s, si dhe për arsyet pse i konsiderojmë negociatat me Serbinë të padrejta, asimetrike dhe të rrezikshme për Kosovën.
a.b/NOA
