Estoni, 6 mars, NOA – Sot në Estoni janë hapur kutitë e votimit për zgjedhjet e para parlamentare që kur vendi u bë anëtar i Euorzonës.
Këto janë zgjedhjet e pesta ku votimi në këtë vend bëhet me internet. Rreth 27.4 për qind e votuesve kanë preferuar që zgjedhjen për partinë politike ta bëjnë on-line. Afërisht janë 140 mijë votues nga 900 mijë që kanë të drejtë vote.
Estonia është ndër vendet e para në botë që ka certifikuar votimin on-line. Në zgjedhjet e fundit, në votimin me internet morën pjesë 30 mijë votues.
Sistemi estonian i votimit on-line është i bazuar në rregulla strikte. Për të marrë pjesë është e detyrueshme një kartë identiteti kombëtare, e cila ka një nënshkrim dixhital që e bëtë pa manipulueshëm sistemin. Këto zhvillime në proceset e votimeve kanë bërë që të lind dhe termi “demokraci dixhitale”.
Përsa i përket sondazheve, pritet që qeveria e djathtë të fitojë mandatin e ri, pavarësisht ndërmarrjes së masave të rrepta të kursimit për nxjerrjen e vendit nga kriza ekonomike.
Bëhet e ditur se të drejtë vote kanë rreth 900 mijë zgjedhës nga 1.3 milion banorët e ish-republikës sovjetike, e cila nga 1 janari, 2011, përdor euron si monedhë vendase. Qendrat e votimit do të mbyllen në orën 20, sipas kohës së Evropës qendrore.
a.k/NOA
