Milano, 19 Mars NOA - Më e vogël se kaq, nuk bëhet. Është fjala për një vajzë indiane e cila në sajë të përmasave të saj trupore është shndërruar tashmë pjesë e rekordeve botërore.
Quhet Jyoti Amge, 17 vjeç, indiane dhe është e gjatë, ose më saktë e shkurtër 61,95 centimetër.
Struktura e saj trupore e ka bërë atë protagoniste në Shfaqjen e Rekordeve, e transmetuar nga një prej kanaleve italiane.
Vajza “ekstra e vogël”, me zërin që ngjason si një personazh i filmave të animuar, duhet thënë se e ka bërë për vete të gjithë publikun që po e ndiqte drejtpërdrejtë dhe kjo në sajë të ironisë dhe inteligjencës që karakterizonte atë.
Përmasat e saj rezultojnë akoma më të jashtëzakonshme në rast se ato paralelizohen me ato të modeles më të gjatë në botë.
r.b/NOA
