Lamia, 24 mars 2011 NOA – Çdo ditë e re që lindte, ishte një katër mijë eurosh që futej në xhep me t’u ngrysur. Dhe kjo “rutinë” aspak monotone, përsëritej përditë, prej disa kohësh.
Derisa pasditja e së mërkurës, i dha fund epokës së artë të korrjes së fitimit të përditshëm prej plot katër mujo eurosh, thjeshtë duke bërë një transfertë heroine nga një qytet në tjetrin.
Korrespondenti i agjencisë NOA raporton se dy vëllezër shqiptarë janë arrestuar nga policia e sektorit antidrogë të Volos në Greqi, pasi u provua se kryenin trafik të rregullt droge të fortë, duke bërë transportimin e saj nga shitësi te blerësi, gjithnjë, treg shumice.
Itinerari që kryenin prej një kohe të gjatë dy djemtë shqiptarë, njëri 25 vjeç dhe tjetri shtatë vjet më i madh, ishte nga qyteti i Lamias në një lokalitet të Magnisias, pranë qytetit turistik bregdetar Volos.
“Ne kishim dy muaj që i përgjonim dy djemtë shqiptarë, por e kishim shumë të vështirë që t’i kapnim me prova edhe pse i ndiqnim. Kjo pasi ata ndryshonin rregullisht stacionet e tyre të shkëmbimit të heroinës me paratë”, - bënë të ditur në një konferencë për shtyp, zyrtarë të policisë së Volosit.
“Pas intensifikimit të ndjekjes arritëm që sot t’i lokalizojmë në zonën e Pellazgias, në fshatin Kokina të Almiru, ku edhe u bë shkëmbimi i radhës i heroinës. Atje kryem arrestimin e dy shqiptarëve të dyshuar”.
Policia tha se 180 mijë euro ishte vlera e bllokuar vetëm gjatë kontrollit pas arrestimit të dy shqiptarëve ndërsa po përpiqet të zbardhë fijet e tjera të rrjetit narkotrafikant.
i burgosi dy të rinjtë dhe i dërgoi për ndjekje penale në Prokurorinë e Volosit e cila konfirmoi kërkesën e arrestit me burg deri në fund të hetimit, që menjëherë u pranua dhe nga gjykata lokale.
n.s/NOA
