Tiranë, 30 mars 2011, NOA- Kreu i qeverisë Sali Berisha gjatë ditës së sotme zhvilloi një takim me rastin e marrjes së detyrës me ambasadorin e Azerbajxhanit për Shqipërinë Rahman Mustafayev.
Gjatë takimit një vend të rëndësishëm zunë fushat e shkëmbimeve kulturore, tregtare ekonomike, sektori energjetik dhe mbështetja e infrastrukturave të lidhura me të, si edhe nxitja e investitorëve nga të dy vendet, për investime të ndërsjella.
Ndër të tjera u vlerësuan si hapësira shumë të rëndësishme për zgjerimin e bashkëpunimit mes dy vendeve dhe u ripohua nevoja dhe vendosmëria e dy qeverive, për të ndërtuar kuadrin më të mirë ligjor për të mbështetur këtë bashkëpunim.
Të dy biseduesit vlerësuan marrëdhëniet e mira midis të dy vendeve dhe popujve dhe rikonfirmuan vullnetin e dy vendeve dhe qeverive, për të zgjeruar dhe thelluar edhe më tej ato në të ardhmen.
a.y/NOA
