Tiranë, 1 prill 2011, NOA- Policia e kryeqytetit ka nisur një valë operacionesh për ruajtjen e sigurisë rrugore ku si rrjedhojë e tij janë vendosur qindra gjoba e janë hequr dhjetra patenta.
Nëpërmjet Njësisë Rajonale të Qarkullimit Rrugor, Drejtoria e Policisë së Tiranës ka marrë të gjitha masat policore për parandalimin e ngjarjeve aksidentale dhe rritjen e sigurisë në rrugë.
Mësohet se janë ndërmarrë një varg masash për parandalimin e aksidenteve e
ngjarjeve të tjera aksidentale, në akset rrugore të qytetit të Tiranës dhe në
veçanti në akset rrugore të zonave rurale.
Grupi i punës Task-Forcë, i cili përbehet nga punonjës policie të Njësisë së Rajonale të Qarkullimit Rrugor dhe specialistët në Komisariatet e Policisë Tiranë vetëm gjatë ditës së djeshme kanë ndërmarrë një varg masash administrative.
Më poshtë masat e ndërmarra nga policia e kryeqytetit gjatë ditës së djeshme:
-Masa administrative të vendosura gjithsej : 716 masa
-Masa administrative qyteti: 496 masa
-Masa administrative linja: 250 masa
-Pezullim Leje drejtimi: 7 leje drejtimi
-Për ecje tej normave të lejuara: 43 masa
-Mos vendosje të rripit të sigurimit: 250 masa
a.y/NOA
