Korçë, 21 prill, NOA – Një incident ka ndodhur në orët e para të mëngjesit të sotëm në qytetin e Korçës, ku xhamat e makinës së deputetit socialist Ben Blushi janë thyer nga persona ende të panjohur.
Lajmi bëhet me dije për agjencinë e Lajmeve NOA nga burime policore të qytetit juglindor, sipas të cilave, ka nisur menjëherë hetimi rreth situatës në të cilën mund të jetë shkaktuar ky incident dhe zbulimin e autorëve të tij, ende të paidentifikuar.
Nga ana e tij, deputeti i Partisë Socialiste ka reaguar menjëherë, duke e lidhur këtë incident me fushatën elektorale.
Ai ndodhej në Korçë, pasi dje ka marrë pjesë në ceremoninë e prezantimit të programit të kandidatit socialist për bashkinë e këtij qyteti, Niko Peleshi.
Bëhet me dije se makina e tij që mban targat TR 0611 L, ka qenë e parkuar përballë një hoteli në bulevardin “Republika” në Korçë dhe Blushi tashmë ka denoncuar ngjarjen në polici ... (vijon)
n.e/NOA
