Nju Jork, 7 maj 2011, NOA – Mark Zuckerberg, babai i Facebookut vendosi të heqë dorë nga jetesa në një shtëpi me qera, duke blerë së fundmi një vilë 7 milion dollarëshe.
I shndërruar në një miliarder me shpikjen e rrjetit social Facebook, 26-vjeçari Mark Zuckerberg, lideri i rrjetit më popullor të komunikimit në mbarë botën ka blerë një shtëpi luksoze në Kaliforni.
Sipas një gazete vendase, vila e Zuckerberg shtrihet në një sipërfaqe rreth 450 metra katror dhe ka plot pesë dhoma gjumi, një pishinë me ujë të kripur, një dhomë muzike.
Sipas të dhënave pasuria e Mark Zuckerberg e fituar përmes rrjetit Facebook vlerësohet plot 13.5 bilion dollarë.
mit/NOA
